Soğan demək olar ki, hər mətbəxdə istifadə olunan və sağlam qida hesab edilən tərəvəzlərdən biridir. Lakin bəzi sağlamlıq problemləri olan insanlarda soğan müəyyən narahatlıqları artıra bilər.

Mütəxəssislərin sözlərinə görə, xüsusilə qastrit, mədə xorası və reflü problemi olan şəxslərdə çiy soğan mədə turşusunu artıraraq yanma, ağrı və narahatlıq yarada bilər.

Soğan tərkibində bəzi fermentləşən karbohidratlar olduğu üçün həssas bağırsaq sindromu (IBS), kolit və qaz problemi olan insanlarda köp, qarın ağrısı və şişkinliyi artıra bilər.

Bəzi insanlarda isə soğana qarşı həssaslıq və ya allergik reaksiya yarana bilər. Bu zaman qaşınma, dəridə qızartı və digər əlamətlər müşahidə oluna bilər.

Həkimlər bildirirlər ki, soğanı tamamilə qadağan etmək lazım deyil. Sağlam insanlarda ölçülü şəkildə istifadə faydalı ola bilər. Lakin xroniki mədə-bağırsaq xəstəliyi olan şəxslər öz orqanizmlərinin reaksiyasına diqqət etməli və lazım gəldikdə həkim məsləhəti almalıdırlar.

Mənbə: Sözcü.com.tr