ABŞ alimləri xərçənglə mübarizədə yeni üsul hazırlayıblar.

XeberPlus.com xəbər verir ki, Stenford Universitetinin tədqiqatçıları xərçəng hüceyrələrinin daxilindəki təbii özünüməhvetmə mexanizmini aktivləşdirən xüsusi molekul hazırlayıblar.

Yeni üsulun ən maraqlı tərəfi xərçəngin inkişafına kömək edən zülalın onun özünə qarşı istifadə edilməsidir. Alimlər həmin zülalın fəaliyyətini dəyişdirərək xəstə hüceyrələrin məhv olmasını təmin etməyə çalışıblar.

Tədqiqat zamanı hazırlanan maddə qan xərçənginin “limfoma” adlanan növünə qarşı siçanlar üzərində sınaqdan keçirilib. Nəticədə şişlərin 11 gün ərzində tamamilə yox olduğu müşahidə edilib.

Alimlər hesab edirlər ki, bu texnologiya gələcəkdə digər xərçəng növlərinin müalicəsində də yeni imkanlar yarada bilər.

Bununla belə, yeni üsul hələ eksperimental mərhələdədir. İnsanlar üzərində təhlükəsizliyi və effektivliyi təsdiqlənmədiyindən hazırda mövcud müalicə üsullarını əvəz etmir.

Tədqiqatçılar növbəti sınaqların uğurlu olacağı təqdirdə bu kəşfin gələcək xərçəng müalicələrinə yol aça biləcəyini bildirirlər.