Televiziya ekranlarında yayımlanan hər serial uzunmüddətli uğur qazana bilmir. Bəzi layihələr maraqlı süjet xəttinə və tanınmış aktyor heyətinə baxmayaraq, gözlənilən tamaşaçı marağını qazana bilmədiyi üçün qısa müddətdə ekranlarla vidalaşır.
XeberPlus.com xəbər verir ki, son beş ildə Türkiyədə yayımlanan bir sıra seriallar aşağı reytinq göstəriciləri səbəbindən erkən final edib. Onlardan bəziləri hətta hekayəsini tamamlamağa belə fürsət tapmayıb.
“Ruhun Duymaz” – Serial cəmi 9 bölüm yayımlanıb. Gözlənilən reytinqi toplaya bilmədiyi üçün yayımı dayandırılıb.
“Sıfırıncı Gün” (Sıfırıncı Gün) – 2023-cü ildə final edən serialın ekran həyatı cəmi 6 bölüm davam edib.
“Kızıl Kafes” – Tamaşaçı marağını qazana bilməyən layihə 3 bölümdən sonra ekranlarla vidalaşıb.
“Yıldızlar Bana Uzak” – 2023-cü ildə yayımlanmağa başlayan serial cəmi 4 bölüm davam edib.
“Kör Nokta” – Reytinq göstəriciləri gözləntiləri doğrultmayan serial 3 bölümdən sonra final edib.
Bu layihələr Türkiyə televiziya sektorunda yüksək büdcənin və tanınmış aktyorların hər zaman uğura zəmanət vermədiyini göstərən nümunələr arasında yer alır.
