Özbəkistan qədim şəhərləri və zəngin tarixi yerlərilə zəngindir. Özbəkistan şərq ab-havası, rəngarəng bazrları, Burada səyahətsevərlər üçün maraqlı və görülməli bir çox yerlər var..

XeberPlus.com xəbər verir ki, ipək yolunun izlərini saxlayan özbəkistan tarixi məscidləri, memarlıq üslublu bənzərsiz irsilə çoxşaxəlidir.

1.Səmərqənd – Şərqin ən məşhur şəhərlərindən biri

Özbəkistana səfər edənlərin ilk dayanacaqlarından biri Səmərqənddir. Şəhərin əsas simvollarından olan Registan meydanı üç möhtəşəm mədrəsə ilə əhatə olunub. Burada Şərq memarlığının incə naxışlarını, mavi rəngli günbəzləri və tarixi tikililəri yaxından görmək mümkündür. Şəhərdə Əmir Teymurla bağlı tarixi məkanlar da xüsusi maraq doğurur.

2.Buxara

Buxara əsrlər boyu regionun mühüm elm, ticarət və mədəniyyət mərkəzlərindən biri olub. Şəhərin tarixi hissəsində çoxsaylı məscidlər, mədrəsələr, karvansaralar və qədim tikililər yerləşir. Xüsusilə Lyabi-Hauz kompleksi və Kalon minarəsi şəhərin ən çox diqqət çəkən məkanlarındandır.

3.Xivə

Xivənin ən maraqlı xüsusiyyətlərindən biri İçan-Qala adlı tarixi hissəsidir. Qədim qala divarları ilə əhatələnən bu ərazidə məscidlər, mədrəsələr, saraylar və minarələr yerləşir. Dar küçələrdə gəzərkən şəhərin əsrlər əvvəlki görünüşünü təsəvvür etmək mümkündür.

4.Daşkənd

Özbəkistanın paytaxtı Daşkənd ölkənin digər şəhərlərindən daha müasir görünüşü ilə seçilir. Burada geniş prospektlər, parklar, muzeylər və müasir binalarla yanaşı, tarixi məkanlara da rast gəlmək mümkündür. Çorsu bazarı isə yerli mətbəxi və gündəlik həyatı yaxından tanımaq üçün maraqlı ünvanlardan biridir.

5.Fərqanə vadisi

Ölkənin şərqində yerləşən Fərqanə vadisi təbiəti, sənətkarlıq ənənələri və yerli həyat tərzi ilə seçilir. Xüsusilə keramika və ipəkçilik ənənələri ilə tanınan bölgədə turistlər həm təbiəti, həm də yerli mədəniyyəti kəşf edə bilərlər.

6.Şəhrisəbz – Əmir Teymurun doğulduğu şəhər

Daşkənd və Səmərqənd qədər böyük olmasa da, Şəhrisəbz tarixi əhəmiyyətinə görə Özbəkistanın diqqətçəkən şəhərlərindən biridir. Burada Əmir Teymur dövrünə aid memarlıq nümunələri qorunub saxlanılır. Ağ Sarayın qalıqları şəhərin ən məşhur tarixi abidələrindəndir.