Pandalar sevimli görünüşlərilə seçilən heyvanlardan biridir. Sadə davranışları ilə seçilən bu heyvanlarınhəyat tərzidə olduqca maraqlıdır. Əsasən bambukla qidalanan bu canlıları digərlərindən fərqləndirən bir çox xüsusiyyətləri mövcuddur. XeberPlus.com onları təqdim edir:

1. Pandalar yaxşı üzə bilir.

2. Pandaların mədəsi əslində ət yeməyə uyğun quruluşa malikdir.
Bambuk yemələrinə baxmayaraq, pandaların həzm sistemi ayılar kimi ət yeyən heyvanlara daha yaxındır. Buna görə bambuku tam həzm edə bilmirlər və yedikləri qidanın böyük hissəsi orqanizmdən istifadə olunmadan xaric edilir.

3. Pandalar gündə 20 kiloqrama qədər bambuk yeyə bilər.
Bəzi böyük pandalar qida ehtiyaclarını ödəmək üçün gün ərzində çox böyük miqdarda bambuk qəbul edirlər.

4. Pandaların barmağı əslində “saxta baş barmaqdır”.
Pandaların ön pəncəsindəki əlavə barmaq əsl barmaq deyil. O, bilək sümüyünün dəyişməsi nəticəsində yaranmış xüsusi quruluşdur və bambuk budaqlarını insan kimi tutmağa imkan verir.

5. Panda balaları ilk həftələrdə tamamilə müdafiəsiz olur.
Yeni doğulan panda balası çox zəifdir, demək olar ki, hərəkət edə bilmir və anasının daim qayğısına ehtiyac duyur. Ana panda ilk aylarda balasını demək olar ki, heç vaxt tək qoymur. Yeni doğulan panda təxminən 100 qram çəkə bilər. Bu, anasının çəkisindən yüzlərlə dəfə azdır.

6. Onların qara göz ləkələrinin maraqlı funksiyası var. Bu ləkələrin günəş işığının əks olunmasını azaltmaqla yanaşı, pandaların bir-birinə vizual siqnallar verməsində rol oynaya biləcəyi düşünülür..

7. Pandalar çox aşağı enerji ilə yaşayırlar.
Bambukdan az enerji aldıqları üçün pandalar enerjiyə qənaət edən həyat tərzinə uyğunlaşıblar. Onların hərəkətləri digər ayılara nisbətən daha yavaşdır.

8. Pandaların səsi gözləniləndən daha müxtəlifdir.
Pandalar yalnız xırıltı çıxarmır. Onlar quş səsinə bənzər səslər, fısıltı və müxtəlif çağırış səsləri ilə bir-biri ilə əlaqə saxlayırlar.

9. Pandalar ərazini qoxu ilə işarələyirlər.
Onlar ağaclara və digər səthlərə xüsusi qoxu izləri buraxaraq digər pandalara həmin ərazidə olduqlarını bildirirlər.

10. Pandaların bütün bambuk meşələri onlar üçün uyğun deyil.
Pandalar yalnız müəyyən növ bambukların böyüdüyü yüksək dağ meşələrində yaşaya bilirlər. Buna görə yaşayış yerlərinin itirilməsi onların sayının azalmasının əsas səbəblərindən biridir. Pandalar zahirən sakit və sadə heyvanlar kimi görünsə də, onların bədən quruluşu və həyat tərzi milyon illər ərzində xüsusi şəkildə uyğunlaşıb.