Bakıda keçirilən cüdo üzrə dünya çempionatı davam edir.
QOL.az xəbər verir ki, Milli Gimnastika Arenasında keçirilən çempionatda bu gün fərdi yarışlar başa çatacaq.
Mundialın 7-ci günündə Azərbaycanın 4 təmsilçisi mübarizəyə qoşulub.
Kişilər
+100 kq çəki
Camal Qamzatxanov Fransisko Solislə (Çili) üz-üzə gəlib və qələbə qazanaraq 1/8 finalda yarışmaq hüququ qazanıb. O, bu mərhələdə isə Muzaffarbek Turoboyevə (Türkmənistan) məğlub edərək 1/4 finala çıxıb.
Uşanqi Kokauri əvvəlcə 1/16 finalda Emirxan Joldoşkazıyevə (Qırğızıstan), 1/8 finalda isə Jakub Sordylə qalib gəlib və 1/4 finala çıxıb. O, 1/4 finalda digər Azərbaycan cüdoçusu Kamran Nəsibovla qarşılaşacaq.
Kənan Nəsibov 1/16 finalda Losseni Koneni (Almaniya) 1/8 finalda isə Yakiv Khammoya qalib gəlib.
Qadınlar
+78 kq çəki
Mədinə Kaysinova Asya Tavanoya (İtaliya) uduzaraq mübarizəni başa vurub.
Hazırda Azərbaycan millisinin aktivində 5 medal (1 qızıl, 1 gümüş, 3 bürünc) var. Bu, ölkəmizin cüdo tarixində dünya çempionatlarında rekord göstəricidir.
Sabah çempionatda komanda yarışları təşkil olunacaq.
