Tesla-nın sürücüsüz taksi xidməti gözlənilməz hadisə ilə gündəmə gəlib. ABŞ-ın Ostin şəhərində fəaliyyət göstərən cybercab robotaksisi normalda təxminən 10 dəqiqə çəkəcək yolu 70 dəqiqəyə tamamlayıb.

XeberPlus.com xəbər verir ki, hadisənin səbəbi isə avtomobilin avtomobil yollarından istifadə etməməsi olub. Tesla-nın avtonom taksisi təhlükəsizlik məhdudiyyətlərinə görə daha uzun marşrut seçərək sərnişinə şəhər turu yaşadıb.

Sərnişinin paylaşdığı məlumata görə, avtomobil nəqliyyat yolundan istifadə edə bilsəydi, səfər cəmi 10 dəqiqə davam edəcəkdi. Lakin sistemin mövcud məhdudiyyətləri səbəbindən yol bir saata qədər uzanıb.

Maraqlıdır ki, uzun səfərə baxmayaraq gediş haqqı təxminən 34 manat olub. Lakin istifadəçi səfər başlamazdan əvvəl dəqiq marşrut və vaxt məlumatının göstərilmədiyini qeyd edib.

Tesla robotaksiləri hazırda yalnız müəyyən ərazilərdə və məhdud şərtlər altında fəaliyyət göstərir. Rəqib şirkətlərdən bəziləri isə artıq daha geniş marşrutlarda nəqliyyat xidmətləri təqdim edir.

Bu hadisə göstərir ki, sürücüsüz avtomobillər gələcəyin nəqliyyatı olsa da, texnologiyanın hələ həll etməli olduğu problemlər qalır.