Apple-ın gələcək iPhone 18 seriyası ilə bağlı yeni məlumatlar ortaya çıxıb. İddialara görə, şirkət illərdir davam edən ənənəvi təqdimat strategiyasını dəyişərək yeni modelləri fərqli tarixlərdə təqdim etməyə hazırlaşır.

Sızan məlumata əsasən, 2026-cı ilin sentyabrında Apple yalnız premium modelləri — iPhone 18 Pro, iPhone 18 Pro Max və ilk qatlanan modeli olan iPhone Fold cihazını təqdim edə bilər.

Standart iPhone 18, daha sərfəli iPhone 18e və yeni iPhone Air 2 modellərinin isə 2027-ci ilin martında təqdim ediləcəyi iddia olunur.

Yeni seriyada ən böyük yeniliklərdən biri Apple-ın ilk qatlanan telefon modeli olacaq. İddialara görə, bu cihaz daha böyük ekran, fərqli menteşə sistemi və yüksək səviyyəli kamera imkanları ilə rəqiblərlə mübarizə aparacaq.

iPhone 18 Pro modellərində isə A20 Pro prosessoru, daha güclü süni intellekt imkanları, yenilənmiş kamera sistemi və daha yüksək performans gözlənilir.

Apple bu dəyişikliklə həm premium modellərə daha çox diqqət ayırmağı, həm də il ərzində daha çox cihaz təqdim edərək satış strategiyasını genişləndirməyi planlaşdırır.

Mənbə:shiftdelete.net