“Samsung” şirkəti 256 terabayt yaddaş tutumuna malik yeni “BM1773” SSD modelini təqdim edib. Şirkətin məlumatına görə, bu tutumuna görə dünyanın ən kiçik SSD qurğusudur.
XeberPlus.com xəbər verir ki, yeni yaddaş qurğusu əsasən məlumat mərkəzləri, bulud xidmətləri və süni intellekt sistemləri üçün nəzərdə tutulub.
SSD-nin əsas üstünlüyü böyük həcmdə məlumatı kiçik fiziki ölçüdə saxlaya bilməsidir. Qurğu E3.S formatında hazırlanıb və PCIe 5.0 texnologiyasından istifadə edir.
Yeni model saniyədə 4,5 giqabayta qədər məlumat oxuma sürətinə malikdir. Yüksək tutumlu yaddaş texnologiyası serverlərdə daha az yer tutmağa və məlumatların saxlanmasını səmərəli təşkil etməyə imkan yaradır.
“Samsung”un yeni SSD-si adi kompüter istifadəçilərindən daha çox iri texnologiya şirkətləri və məlumat mərkəzləri üçün nəzərdə tutulub.
