Rusiya ordusunun gecə saatlarında Ukraynanın paytaxtı Kiyevə həyata keçirdiyi hava hücumunda çox sayda insan həlak olub və yaralanıb.

İlkin məlumatlara görə, hücum nəticəsində 8 nəfər həyatını itirib, 33 nəfər yaralanıb. Raket zərbələri şəhərin müxtəlif bölgələrində binalara ziyan vurub.

Kiyev meri Vitali Kliçko bildirib ki, hücum zamanı şəhərin bir neçə rayonu hədəfə alınıb. Zərər görən obyektlər arasında uşaq xəstəxanasının binası da olub.

Ukraynanın Fövqəladə Hallar Xidməti Sviyatoşinski, Darnitski və Solomyanski rayonlarında axtarış-xilasetmə işlərinin davam etdiyini açıqlayıb.

Bundan başqa, Rusiyanın Ukraynanın Jitomir bölgəsinə də hücum etdiyi bildirilib. Həmin hücumda isə 2 nəfər ölüb, 40 nəfər yaralanıb. Hücum nəticəsində bir polis bölməsində yanğın baş verdiyi qeyd olunub.

Hadisə Ukrayna müharibəsində gərginliyin yenidən artdığını göstərir.

Mənbə:hurriyet