Noyabr ayının pensiyalarının ödəniləcəyi tarix məlum olub.
XeberPlus.com xəbər verir ki, bu barədə Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun məlumatında qeyd olunub.
Belə ki, Bakı, Sumqayıt şəhərləri və Abşeron rayonu üzrə əmək pensiyalarının bu ayın 13-dən, rayonlarda qeydiyyatda olan pensiyaçıların və güzəştli şərtlərlə pensiya hüququna malik şəxslərin pensiyalarının bu ayın 20-dən, sosial müavinət, ünvanlı dövlət sosial yardımı və təqaüdlərin isə bu ayın 25-dən gec olmayaraq ödənilməsi nəzərdə tutulub.
