Apple-ın 2026-cı ildə təqdim etməsi gözlənilən iPhone 18 Pro və iPhone 18 Pro Max modelləri ilə bağlı yeni məlumatlar yayılıb. Yeni nəsil telefonlarda əsas dəyişikliklərin dizayndan çox kamera, ekran, prosessor və bağlantı texnologiyalarında olacağı bildirilir.
Gözlənilən əsas yeniliklər:
- Daha kiçik Dynamic Island – Face ID komponentlərinin ekran altına keçirilməsi ilə ön hissədə daha çox istifadə sahəsi yarana bilər.
- Dəyişən diafraqmalı kamera – Kamera işıq miqdarını daha yaxşı idarə edərək portret və gecə çəkilişlərində üstünlük verə bilər.
- Yeni A20 Pro çipi – 2 nanometrlik istehsal texnologiyası ilə daha yüksək performans və enerji səmərəliliyi gözlənilir.
- Yeni C2 modem – Daha sürətli mobil bağlantı və peyk rabitəsi imkanları təklif edə bilər.
- Təkmilləşdirilmiş Wi-Fi və Bluetooth sistemi – Yeni nəsil bağlantı çipi ilə daha stabil əlaqə təmin edilə bilər.
- Daha böyük batareya – Xüsusilə iPhone 18 Pro Max modelində batareya tutumunun artırılması gözlənilir.
- Yeni rəng seçimləri – Tünd qırmızı (Dark Cherry), açıq mavi və digər yeni rəng variantları iddia olunur.
- Yenilənmiş Kamera Control düyməsi – Kamera idarəetməsində dəyişikliklər edilə bilər.
- Daha güclü süni intellekt imkanları – Yeni prosessor sayəsində cihaz üzərində işləyən AI funksiyalarının genişlənəcəyi gözlənilir.
Məlumata görə, iPhone 18 Pro seriyasının 2026-cı ilin sentyabr ayında təqdim olunması gözlənilir. Standart iPhone 18 modellərinin isə daha sonra satışa çıxacağı ilə bağlı iddialar var.
Yeni modellər böyük dizayn dəyişikliklərindən çox, texniki imkanların artırılması ilə iPhone tarixində ən güclü Pro seriyalardan biri olmağa hazırlaşır.
Mənbə: Donanimhaber
