Gündəlik həyatımızda sağlam və faydalı hesab etdiyimiz bir çox vərdiş var. Lakin bəzən yaxşı niyyətlə etdiyimiz bu davranışlar həddindən artıq olduqda orqanizmə mənfi təsir göstərə bilər. Maraqlısı isə budur ki, bəzi vərdişlərin zərərli tərəfləri heç ağlımıza da gəlmir. XeberPlus.com bu vərdişləri təqdim edir:

1. Yeməkdən sonra dişləri dərhal fırçalamaq – Faydalı görünsə də, xüsusilə turşulu qidalardan sonra diş minasını zədələyə bilər.

2. Gün ərzində çox su içməyi məcburiyyətə çevirmək – “Nə qədər çox su, bir o qədər sağlamlıq” düşüncəsi düzgün deyil. Həddindən artıq su qəbul etmək orqanizmdə duz balansını poza bilər.

3. Hər gün yatağı səhər oyanan kimi yığmaq – Səliqəli görünsə də, yatağı dərhal örtmək gecə ərzində yaranan nəmliyin və tərin qurumasına mane ola bilər.

4. Burnu tez-tez və güclü şəkildə təmizləmək – İnsanlar bunu gigiyena hesab edir, amma həddindən artıq və kobud təmizləmə burun daxilində qıcıqlanma və qanamaya səbəb ola bilər.

5. “Tərləmək xəstəliyi çıxarır” deyə xəstə halda ağır idman etmək – Tərləməyin xəstəliyi bədəndən çıxardığı fikri geniş yayılıb. Əslində xəstəlik zamanı ağır fiziki yük bədəni daha da yoraraq sağalmanı çətinləşdirə bilər.