Qırxayaqlar maraqlı görünüşləri ilə seçilən həşəratlardandır. Onlara əsasən rütubətli ərazilərdə, qayalıqlarda yaxud çürümüş ağaclarda rast gəlmək mümkündür.

XeberPlus.com qırxayaqlar haqqında maraqlı faktları təqdim edir:

1.Bütün qırxayaqların 40 ayağı olmur. Bu onların növündən asılı olaraq dəyişir. Bəzilərində 15 ayaq mövcuddur.

2.Bəzi növ qırxayaqlar zəhərlidirlər. Onlar insanı dişlədikdə zəhərini insan bədəninə yaya bilərlər.

3.Qırxayaqlar kiçik görsənsə də, 20-30 santimlik olan növlərinədə rast gəlmək olur.

4.Bəzi növ qırxayaqlar böyüdükcə qabıq dəyişdirir və yeni bədən hissələri, eləcə də ayaqlar inkişaf etdirirlər. Bu xüsusiyyət bütün növlərdə eyni şəkildə müşahidə olunmur.

5.Bu canlılar quruluğa həssas olduqları üçün əsasən nəmli mühitlərdə gizlənirlər. Daşların altı, yarpaq qatları, ağac qabıqları və zirzəmilər onların rast gəlindiyi yerlər arasındadır.

6.Qırxayaqların görmə qabiliyyəti növdən asılı olaraq dəyişir. Bəzilərinin gözləri olsa da, onların görməsi məhduddur. Ətraf mühiti tanımaq, qida tapmaq və təhlükəni hiss etmək üçün bığcıqlarından və digər duyğu orqanlarından istifadə edirlər.

7.Qırxayaqlar haqqında ən maraqlı faktlardan biri bəzi növlərin valideyn qayğısı göstərməsidir. Dişi qırxayaq yumurtalarının ətrafına dolanaraq onları yırtıcılardan qoruyur. Bəzi növlər yumurtaları təmiz saxlayır, onların göbələklərlə yoluxmasının qarşısını almağa çalışır. Qayğı yumurtadan çıxan balaların həyatının ilk mərhələlərində də davam edə bilər.