Alimlər qeyri-adi xüsusiyyətə malik şəffaf balıq növünü araşdırırlar. “Danionella cerebrum” adlanan bu kiçik canlının beyin toxumasını bərpa etmək qabiliyyəti elm dünyasında maraq doğurub.

XeberPlus.com xəbər verir ki, uzunluğu təxminən 12 millimetr olan balığın bədəni demək olar ki, tamamilə şəffafdır. Bu xüsusiyyət alimlərə onun beyinində baş verən prosesləri canlı şəkildə izləməyə imkan verir.

Balığın ən diqqətçəkən xüsusiyyəti isə zədələnmiş beyin toxumasının müəyyən hissələrini yeniləyə bilməsidir. Alimlər bu prosesin necə baş verdiyini və sinir hüceyrələrinin bərpasında hansı mexanizmlərin iştirak etdiyini araşdırırlar.

İnsan beynində zədələnmiş sinir toxumasının bərpası məhdud olduğundan bu qabiliyyət xüsusi maraq doğurur. Tədqiqatçılar balığın xüsusiyyətlərinin gələcəkdə beyin zədələri və nevroloji xəstəliklərin müalicəsi ilə bağlı yeni araşdırmalara yol aça biləcəyini düşünürlər.