Bu həftə bürcləri sevgi, iş, maliyyə və şəxsi həyatla bağlı fərqli yeniliklər gözləyir.

Bəs 7-13 sentyabr tarixlərində hansı bürc üçün uğurlu günlər olacaq, kimlər isə qərar verərkən daha diqqətli davranmalıdır?

Məşhur astroloq Hande Kazanova 7-13 sentyabr həftəsi ilə bağlı astroloji proqnozlarını paylaşıb. Bu həftə Merkuri və Veneranın bürc dəyişməsi ilə yanaşı, 11 sentyabrda Qız bürcündə baş verəcək Yeni Ay astroloji baxımdan əsas hadisələrdən biri olacaq.

Həftəyə Ayın Xərçəng bürcündə hərəkəti ilə başlanılır. Bu müddətdə ailə, ev, ailə münasibətləri və özünü qoruma ilə bağlı mövzular ön plana çıxacaq. Həftənin ortalarından etibarən isə göy hadisələrinin təsiri ilə gündəlik həyatın ritmi sürətlə dəyişəcək.

10 sentyabrdan etibarən Merkurinin Tərəzi bürcünə keçməsi ilə ikitərəfli münasibətlər, əməkdaşlıq və diplomatik danışıqların intensivləşəcəyi gözlənilir. Eyni gün Veneranın Əqrəb bürcünə keçməsi isə münasibətlərdə və maliyyə məsələlərində böhranların idarə olunmasını, ambisiyaları və güc mübarizəsini ön plana çıxaracaq. Göy hadisələrindəki bu dəyişiklik 11 sentyabrda Qız bürcünün 18-ci dərəcəsində baş verəcək Yeni Ayla kulminasiya nöqtəsinə çatacaq.

Qoç və yüksələn Qoçlar

Həftəyə ailə və evlə bağlı məsələlərlə başlayacaqsınız. Cümə axşamı Merkurinin Tərəzi bürcünə keçməsi ilə münasibətlərdə, tərəfdaşınızla ünsiyyətdə və əməkdaşlıq məsələlərində canlanma yaranacaq. Veneranın Əqrəb bürcünə keçməsi borc, alacaq və ortaq maliyyə məsələlərini gündəmə gətirəcək. Cümə günü Qız bürcündə baş verəcək Yeni Ay isə iş həyatınız, gündəlik rejiminiz və sağlamlığınızla bağlı daha ciddi və planlı addımlar atmağınıza şərait yaradacaq. Həftəsonu münasibətlərdə gözləntilərinizi çox yüksək tutmamağa çalışın.

Buğa və yüksələn Buğalar

Yaxın ətrafınızla ünsiyyətinizin intensiv olacağı bir həftədir. Merkurinin Tərəzi bürcünə keçməsi iş mühitində ünsiyyəti və işgüzar əlaqələri sürətləndirəcək. Veneranın Əqrəbə keçməsi isə münasibətlərdə ehtiras, zaman-zaman qısqanclıq və sahiblik hisslərini ön plana çıxara bilər. Cümə günü Qız bürcündə baş verəcək Yeni Ay eşq həyatınız, hobbiləriniz və ya övladlarınızla bağlı məsələlərdə səmərəli qərarlar qəbul etməyinizə imkan yaradacaq. Həftəsonu sosial çevrənizdən eşidəcəyiniz xəbərlərə ehtiyatla yanaşın.

Əkizlər və yüksələn Əkizlər

Həftənin əvvəlində maliyyə məsələləri ilə maraqlandıqdan sonra diqqətiniz yaxın ətrafınıza yönələcək. Merkurinin Tərəzi bürcünə keçməsi eşq həyatınızı və yaradıcı fəaliyyətlərinizi canlandıracaq. Veneranın Əqrəbə keçməsi isə iş həyatınızda emosional gərginliklərə diqqət yetirməyinizi tələb edir. Ev, ailə və yaşayış sahənizdə baş verəcək Qız Ayı köçmək, evdə dəyişiklik etmək və ya ailə ilə bağlı qərarlar vermək üçün əlverişli imkanlar yaradacaq. Həftəsonu dedi-qodulara əhəmiyyət verməyin.

Xərçəng və yüksələn Xərçənglər

Həftənin əvvəlində diqqətinizi öz ehtiyaclarınıza yönəldəcəksiniz. Cümə axşamı Merkurinin Tərəzi bürcünə keçməsi ilə ailə daxilində ünsiyyət canlanacaq. Veneranın Əqrəbə keçməsi isə eşq həyatınızda ehtirası artırmaqla yanaşı, sizi zaman-zaman daha nəzarətçi davranmağa sövq edə bilər. Qız bürcündə baş verəcək Yeni Ay satış, marketinq, təhsil və yaxın ətrafınızla münasibətlərdə mühüm qərarlar qəbul etmək və yeni başlanğıclar etmək üçün əlverişli şərait yaradacaq. Həftəsonu ailənizdən gözləntilərinizin sizi məyus etməməsi üçün daha real yanaşmağa çalışın.

Şir və yüksələn Şirlər

Həftənin əvvəlində bir qədər dincəlmək istəsəniz də, enerjiniz sürətlə yüksələcək. Merkurinin Tərəzi bürcünə keçməsi yaxın ətrafınızla ünsiyyətinizi və təhsillə bağlı fəaliyyətlərinizi artıracaq. Veneranın Əqrəbə keçməsi ev və ailə münasibətlərinizdə dəyişdirici təsir göstərəcək. Qız bürcündə baş verəcək Yeni Ay isə birbaşa maliyyə sahənizdə reallaşacaq. Bu dövrü gəlirlərinizi artıracaq qərarlar vermək, büdcənizi planlaşdırmaq və maliyyə ilə bağlı addımlar atmaq üçün dəyərləndirin. Həftəsonu başqalarının maliyyə ilə bağlı məsləhətlərinə dərhal əməl etməyin.


Qız və yüksələn Qızlar

Həftəyə sosial çevrənizlə bağlı mövzularla başlayacaqsınız, lakin sonrakı günlərdə daha çox özünüzə qapanmaq istəyə bilərsiniz. Merkurinin Tərəzi bürcünə keçməsi maliyyə gəlirlərinizlə bağlı məsələləri gündəmə gətirəcək. Veneranın Əqrəbə keçməsi isə yaxın ətrafınızla münasibətlərdə müəyyən sərhədlər qoymağın vacibliyinə işarə edir. Cümə günü məhz sizin bürcünüzdə baş verəcək Yeni Ay həyatınızın müxtəlif sahələrində — sağlamlıq, münasibətlər və karyerada — yeni qərarlar qəbul etmək və hərəkətə keçmək üçün əlverişli dövr yaradacaq. Həftəsonu isə lazımsız xərclərdən uzaq durmağa çalışın.

Tərəzi və yüksələn Tərəzilər

Karyera yönümlü həftə başlanğıcından sonra diqqətinizi sosial həyatınıza yönəldəcəksiniz. Cümə axşamı Merkurinin sizin bürcünüzə keçməsi ilə ünsiyyət bacarığınız və plan qurmaq qabiliyyətiniz güclənəcək. Veneranın Əqrəbə keçməsi isə maliyyə sahəsində qazanc imkanlarınızı artırmağa kömək edə bilər. Bu Yeni Ay sizin daha çox daxili aləminizlə bağlı sahədə baş verəcəyi üçün yeni işə başlamaqdansa, pis vərdişlərdən qurtulmaq və mənəvi baxımdan yenilənmək üçün daha əlverişli dövr olacaq.

Əqrəb və yüksələn Əqrəblər

Həftəyə uzaqdan gələn xəbərlər və səyahət planları ilə başlayacaqsınız. Merkurinin Tərəzi bürcünə keçməsi planlarınızı bir qədər dəqiqləşdirməli və tələsmədən üzərində işləməli olduğunuzu göstərir. Veneranın Əqrəb bürcünə keçməsi ilə cazibəniz, sosiallaşmaq istəyiniz və münasibətlərdə ehtirasınız artacaq. Qız bürcündə baş verəcək Yeni Ay isə sosial çevrəniz, dostluqlarınız və gələcəklə bağlı layihələriniz üçün yeni imkanların qapısını açacaq. Həftəsonu iş mühitində sizə verilən istiqamətləndirmə və tövsiyələrə diqqətlə yanaşın.

Oxatan və yüksələn Oxatanlar

Həftəyə maliyyə məsələləri ilə başlayacaqsınız, ardınca sürətli səyahət və təhsil planları gündəmə gələ bilər. Merkurinin Tərəzi bürcünə keçməsi sosial çevrənizi canlandıracaq və yeni dostluqlar üçün imkanlar yaradacaq. Veneranın Əqrəbə keçməsi isə münasibətlərdə bir qədər özünüzə qapanmaq istəyinizin artacağını göstərir. Qız bürcündə baş verəcək Yeni Ay məhz karyera və hədəflər sahənizdə reallaşacaq. Bu dövrü iş dəyişmək, vəzifədə yüksəlmək və ya karyeranızla bağlı mühüm qərarları həyata keçirmək üçün dəyərləndirə bilərsiniz. Həftəsonu dost çevrəsində yarana biləcək qısqanclıqlara qoşulmayın.

Oğlaq və yüksələn Oğlaqlar

Həftəyə münasibətlər və ortaq işlərlə başlayacaqsınız, həftənin ortalarından etibarən isə maliyyə məsələləri ön plana çıxacaq. Merkurinin Tərəzi bürcünə keçməsi ilə karyeranızda rəhbər şəxslərlə ünsiyyətiniz və işgüzar danışıqlarınız sürətlənəcək. Veneranın Əqrəbə keçməsi dost çevrənizdə daha seçici olmağınıza və daha dərin münasibətlər qurmağınıza səbəb olacaq. Qız bürcündə baş verəcək Yeni Ay isə səyahət, xarici ölkələrlə əlaqələr, təhsil və hüquqi məsələlərdə yeni və əlverişli başlanğıclar vəd edir. Həftəsonu ev və ailə daxilində ünsiyyətdə yarana biləcək anlaşılmazlıqlara diqqət yetirin.

Dolça və yüksələn Dolçalar

Həftəyə gündəlik işlər və məşğuliyyətlərlə başlayacaqsınız, daha sonra diqqətiniz ikitərəfli münasibətlərə yönələcək. Merkurinin Tərəzi bürcünə keçməsi səyahət, təhsil və ticarətlə bağlı yeni imkanlar yaradacaq. Veneranın Əqrəbə keçməsi karyeranızda daha həvəsli və gərgin iş tempinə səbəb ola bilər. Bu dövrdə ambisiyalarınıza nəzarət etməyiniz vacibdir. Qız bürcündə baş verəcək Yeni Ay isə ortaq maliyyə, kreditlər, borclar və vergi məsələləri ilə bağlı yeni və məntiqli addımlar atmağınıza şərait yaradacaq. Həftəsonu sosial mediada eşitdiyiniz hər xəbərə inanmayın.

Balıq və yüksələn Balıqlar

Həftənin ortalarından etibarən iş həyatınız və sağlamlığınız ön plana çıxacaq. Merkurinin Tərəzi bürcünə keçməsi ortaq maliyyə, borc və alacaq-verecek məsələlərinə diqqəti artıracaq. Veneranın Əqrəbə keçməsi isə səyahət və akademik sahələrdə münasibətlərinizi gücləndirəcək. Qız bürcündə baş verəcək Yeni Ay birbaşa ikitərəfli münasibətlər, evlilik və tərəfdaşlıq sahənizdə reallaşacaq. Bu dövrdə münasibətinizi növbəti mərhələyə keçirmək və ya bitirmək də daxil olmaqla, mühüm və qəti qərarlar verə bilərsiniz. Həftəsonu xərclərinizə diqqət yetirin.