Türkiyədə son 5 gün ərzində ən aşağı temperatur Ərzurumun Palandökən bölgəsində qeydə alınıb.
XeberPlus.com xəbər verir ki, Türkiyə Meteorologiya Baş İdarəsinin son məlumatlarına əsasən, ölkənin ən soyuq bölgəsi Palandökəndə yerləşən Şərqi Anadolu Müşahidə Mərkəzi olub.
Palandökənin zirvəsində oktyabrın 29-na keçən gecə temperatur mənfi 0,4, oktyabrın 30-da mənfi 3,3, oktyabrın 31-də mənfi 4, noyabrın 1-də mənfi 3,2, noyabrın 2-də isə mənfi 2,8 dərəcə qeydə alınıb.
Mersin vilayətinin Silifke rayonundakı Taşucu qəsəbəsi isə 22,1 dərəcə temperaturla Türkiyənin ən isti yeri olub.
