Yaponiyanın avtomobil nəhəngi Toyota istehsal zavodlarında insansı robotların istifadəsini genişləndirməyə hazırlaşır. Şirkət dünya üzrə fabriklərində insanlarla birlikdə işləyəcək 400 min robot yerləşdirməyi planlaşdırır.
Toyota 2028-ci ildən etibarən zavodların yenilənməsi və yenidən qurulması üçün hər il 6,7 milyard dollar sərmayə ayıracaq. Plan çərçivəsində şirkətin öz müəssisələrinə təxminən 150 min, tərəfdaş şirkətlərin fabriklərinə isə 250 min robot yerləşdirilməsi nəzərdə tutulur.
Şirkətin hazırladığı ELEY adlı robot müxtəlif istehsal tapşırıqlarını öyrənə bilir. Robotlar işçilərin hərəkətlərini izləyərək yeni bacarıqlar qazanır və bəzi işləri müstəqil şəkildə yerinə yetirə bilir.
Toyota bildirir ki, məqsəd insanların yerini tamamilə robotlarla əvəz etmək deyil. Şirkət robotların işçilərə dəstək verməsini və uzun illərin istehsal təcrübəsinin yeni nəsillərə ötürülməsini hədəfləyir.
