İlanlar təbiətdə mühüm rol oynayan sürünənlərdəndir. Onların bütün növləri zəhərli deyil və bir çoxu insanlar üçün təhlükə yaratmır. İlanlar əsrlərdir insanların diqqətini çəkən ən maraqlı canlılardan biridir. Uzun və elastik bədən quruluşu, ayaqlarının olmaması, səssiz hərəkət etmələri və bəzi növlərinin zəhərli olması onları digər heyvanlardan fərqləndirir. Dünyanın müxtəlif ərazilərində yaşayan ilanların ölçüsü, rəngi, qidalanma xüsusiyyətləri və davranışları bir-birindən xeyli fərqlənir. Bəziləri cəmi bir neçə santimetr uzunluğunda olduğu halda, bəzi növlər bir neçə metrə qədər böyük ola bilir.

XeberPlus.com ilanlar haqqında maraqlı faktları təqdim edir:

1. “Uçan ilan” adlanan növlər ağacdan ağaca keçərkən bədənlərini yastılaşdıraraq havada süzülürlər.
   
2. İlanların çəngəlli dilləri havadakı qoxu hissəciklərini toplayır, sonra onları ağızlarının içindəki xüsusi orqana ötürürlər.
   
3. Piton, boa və gürzə kimi bəzi ilanlarda istiliyə həssas xüsusi orqanlar var. Bu xüsusiyyət onlara qaranlıqda canlıları müəyyən etməyə kömək edir.
   
4. İlanlar çənələrinin quruluşu sayəsində ağızlarını çox geniş aça və ovlarını demək olar ki, bütöv halda uda bilirlər.
   
5. Bəzi ilanlar uzun müddət ac qala bilir.
   
6. İlanların qulaq dəlikləri yoxdur. Titrəyişləri çənə və kəllə sümükləri vasitəsilə hiss edə bilirlər.
   
7. Bəzi ilanlar özlərini təhlükə zamanı ölü kimi göstərə bilir.
   
8. İlanların dişləri həmişə zəhər üçün deyil zəhərli növlərdə dişlər zəhərin ötürülməsinə xidmət edə bilər, digər ilanlarda isə əsasən ovun tutulmasına kömək edir.
   
9. İlanların hamısı yumurta ilə çoxalmır. Bəzi növlərdə balalar ana bətnində inkişaf edir və canlı doğuş baş verir.
   
10. İlanlarda dəri dəyişmə yalnız böyümə ilə bağlı deyil, köhnə dərinin yenilənməsi və parazitlərdən qurtulmaq da bu prosesin mümkün üstünlüklərindəndir.