Hindistanın Çhattisqarh ştatının Kanker rayonunda tarlada işləyən kənd sakinlərinə ayı hücum edib. Hadisə nəticəsində 2 nəfər həyatını itirib, 3 nəfər isə ağır yaralanıb. Hücum edən vəhşi heyvan daha sonra ərazi sakinləri tərəfindən öldürülüb.

XeberPlus.com Gzt.com-a istinadla bildirir ki, hadisə Kanker rayonunun kənd ərazilərindən birində baş verib. Tarlada kənd təsərrüfatı işləri ilə məşğul olan şəxslərin arasına qəfil daxil olan ayı insanlara hücum edib.

İlkin məlumata əsasən, hücum nəticəsində 2 nəfər hadisə yerində həyatını itirib, daha 3 nəfər isə ağır yaralanıb. Hadisə ərazidə böyük təşviş və qorxu yaradıb.Hadisədən sonra yerli sakinlərin məlumatı əsasında əraziyə təcili tibbi yardım və təhlükəsizlik qüvvələri cəlb olunub. Ağır yaralanan şəxslərə ilkin tibbi yardım göstərildikdən sonra onlar xəstəxanaya yerləşdiriliblər.

Yaralıların vəziyyətinin ağır olduğu bildirilir.İki nəfərin ölümünə və daha bir neçə şəxsin yaralanmasına səbəb olan ayının hadisə yerinə toplaşan sakinlər tərəfindən öldürüldüyü bildirilir.

Baş verən hadisə bölgədə ciddi narahatlıq yaradıb. Yerli hakimiyyət orqanları hadisə ilə bağlı araşdırmaya başlayıblar.