Körpə dünyaya gəlməmişdən əvvəl valideynlərin ən çox düşündüyü məsələlərdən biri də ona veriləcək addır. Bəziləri ailə ənənəsini davam etdirən adlara üstünlük verir, bəziləri isə daha fərqli və müasir seçimlər axtarır.
XeberPlus.com müxtəlif ölkələrdə yeni doğulan uşaqlara ən çox qoyulan adları təqdim edir:
ABŞ-da 2025-ci ildə oğlan uşaqları arasında Liam, qız uşaqları arasında isə Olivia ən populyar ad olub. Liam və Olivia uzun illərdir ölkədə ən çox seçilən adlar sırasında yer alır.
Kanadada 2025-ci ildə oğlan uşaqları üçün Noah, qız uşaqları üçün isə Charlotte adı birinci sırada qərarlaşıb. Noah artıq beşinci ildir ki, ölkədə ən çox seçilən oğlan adı olaraq qalır.
İngiltərə və Uelsdə də adların populyarlığı xüsusi statistika ilə izlənilir. 2025-ci ilin doğum məlumatlarına əsasən oğlan və qız adları üzrə ən çox seçilən 100 adlıq siyahılar hazırlanıb.
Müxtəlif ölkələrin məlumatları müqayisə edildikdə Olivia, Noah, Liam, Charlotte, Amelia, Oliver, Sofia və Emma kimi adların bir neçə ölkədə geniş yayıldığı görünür.
Azərbaycanda isə 2026-cı ilin ilk aylarında yeni doğulan uşaqlar arasında fərqli adlar diqqət çəkib. Oğlan uşaqları üçün Uğur, Hüseyn, Raul, Əli və Miran, qız uşaqları üçün isə Məryəm, İnci, Melisa, Alisa və Nilay adları daha çox seçilən adlar arasında olub.
