Bakının Qaradağ rayonunun Müşfiqabad qəsəbəsində yerləşən Yeni Həyat küçəsinin bir hissəsində təmir işləri ilə əlaqədar nəqliyyat vasitələrinin hərəkətinin tam məhdudlaşdırılması nəzərdə tutulub.
XeberPlus.com xəbər verir ki, bu barədə Azərbaycan Avtomobil Yolları Dövlət Agentliyi (AAYDA) məlumat yayıb.
Məlumata əsasən, məhdudiyyət oktyabrın 21-də saat 08:00-dan etibarən Yeni Həyat küçəsinin Şirvan küçəsi ilə kəsişməsindən 10-cu Müşfiqabad küçəsi ilə kəsişməsinədək olan hissəsini əhatə edib.
Həmin ərazidə yol örtüyünün təmiri ilə əlaqədar nəqliyyat vasitələrinin hərəkətinin tam dayandırılması planlaşdırılıb.
Agentlik sürücülərə nəqliyyat sıxlığının qarşısını almaq məqsədilə alternativ yollardan istifadə etməyi tövsiyə edib.
Sürücülərdən hərəkət zamanı diqqətli olmaları və aparılan təmir işlərinə anlayışla yanaşmaları xahiş olunub.
