Oktyabrın ikinci yarısında Orionid meteor yağışı müşahidə olunacaq
XeberPlus.com xəbər verir ki, Bakı Dövlət Universitetinin (BDU) Fizika fakültəsinin Astrofizika kafedrasından verilən məlumata görə, Orionid meteor yağışı noyabrın 7-dək aktiv olacaq. Meteor yağışının maksimum aktivliyi isə 21–22 oktyabr tarixlərində baş verəcək. Oktyabrın 21-dən 22-nə keçən gecə meteor yağışının müşahidəsi üçün əsas tarixlərdən biridir.
2026-cı il üçün Orionidlərin maksimum aktivliyi zamanı saatda 20-yə yaxın meteorun müşahidə olunması gözlənilir. Orionid meteor yağışını Azərbaycandan da izləmək mümkün olacaq.
Təbiət hadisəsini izləmək üçün gecə yarısından sonrakı və xüsusilə sübhə yaxın saatlar daha əlverişli hesab olunur. Müşahidə zamanı şəhər işıqlarından uzaq, mümkün qədər qaranlıq məkanların seçilməsi xüsusi əhəmiyyət daşıyır.
