XeberPlus.com dha.com-a istinadla xəbər verir ki, hadisə dünən saat 15:00 radələrində İsmail Taşlı küçəsindəki evlərdən birində baş verib. İddiaya görə, Yiğit Can Bişkin evdə oynadığı tapançanın atəş açması nəticəsində qarnından yaralanıb.
Silah səsini eşidən qonşuların məlumatı üzrə hadisə yerinə təcili tibbi yardım və polis əməkdaşları cəlb olunub. Təcili tibbi yardım maşını ilə Tire Dövlət Xəstəxanasına aparılan Y.C.Bişkin ilk tibbi müdaxilədən sonra İzmir Şəhər Xəstəxanasına sövq edilib. Həkimlərin səylərinə baxmayaraq, onun həyatını xilas etmək mümkün olmayıb.
