Bu gün, dünyada Beynəlxalq İşarə Dilləri Günü kimi qeyd olunur. Bu xüsusi gün işarə dillərinin eşitmə məhdudiyyətli insanların həyatında mühüm roluna diqqət çəkmək, onların cəmiyyətdə bərabər iştirakını və ünsiyyət imkanlarını dəstəkləmək məqsədi daşıyır.
Birləşmiş Millətlər Təşkilatının qərarı ilə təsis edilən Beynəlxalq İşarə Dilləri Günü ilk dəfə 2018-ci ildə qeyd olunub.
İşarə dili yalnız ünsiyyət vasitəsi deyil, eyni zamanda eşitmə məhdudiyyətli insanların mədəniyyətinin və kimliyinin mühüm hissəsidir. Dünyanın müxtəlif ölkələrində fərqli işarə dillərindən istifadə olunur və onların hər birinin özünəməxsus xüsusiyyətləri var.
Bu gün münasibətilə eşitmə məhdudiyyətli insanların təhsil, əmək, informasiya və digər sahələrdə bərabər imkanlara çıxışının vacibliyi bir daha gündəmə gətirilir. Beynəlxalq İşarə Dilləri Günü cəmiyyətdə inklüzivliyin və əlçatan ünsiyyətin əhəmiyyətinə diqqət çəkən günlərdən biridir.
