Hong Kong Universitetinin (HKU) Mühəndislik fakültəsinin alimləri almazın əyildikdə elektrik yarada bildiyini aşkar ediblər.
Professorlar Zhiqin Chu və Yuan Linin rəhbərlik etdiyi araşdırmada məlum olub ki, almaz elastik formada əyildikdə onun kristal quruluşunda elektrik yükləri yaranır. Bu yüklər almaz təbəqəsinin üst və alt hissələri arasında elektrik gərginliyi yaradaraq cərəyan əmələ gətirir.
Alimlər bildiriblər ki, əvvəllər əsasən sərt və passiv material kimi istifadə olunan almaz artıq elektrik enerjisi mənbəyi kimi də istifadə oluna bilər. Sınaq zamanı isə almaz təbəqəsinin yaratdığı elektrik cərəyanının sabit və təkrarolunan olduğu təsdiqlənib.
Mütəxəssislər bildiriblər ki, almaz insan orqanizmi ilə uyğunlaşa bildiyi və zəhərli olmadığı üçün tibbi texnologiyalarda istifadə oluna bilər. Yeni üsulun kardiostimulyator və bədən daxilində yerləşdirilən sensorlar kimi cihazların enerji ehtiyacını insanın hərəkətlərindən əldə etməyə imkan verən sistemlərin hazırlanmasına kömək edə biləcəyi qeyd olunub.
Tədqiqatçılar həmçinin əldə olunan nəticələrin mikro enerji sistemləri, texnologiyalar və yeni nəsil yüksək həssas sensorların hazırlanmasına imkan yarada biləcəyini bildiriblər.
Mənbə: dha.com.tr
