Birləşmiş Ərəb Əmirliklərinin “Emirates” aviaşirkətinə məxsus Dubay–Nyu-York reysini həyata keçirən “Airbus A380” tipli sərnişin təyyarəsi bir sərnişinin səhhətində problem yarandığı üçün İstanbul Hava Limanına eniş edib.

Səhhəti pisləşən sərnişin İstanbul Hava Limanına enən təyyarədən ambulift vasitəsilə çıxarılaraq xəstəxanaya aparılıb.

Dubaydan ABŞ-ın Nyu-York şəhərinə uçan, A6-EOC quyruq qeydiyyat nömrəli və EK201 reys nömrəli “Airbus A380” tipli sərnişin təyyarəsi Qara dəniz üzərində uçuş həyata keçirərkən kapitan pilotun qərarı ilə marşrutunu İstanbul Hava Limanına dəyişib.

Dünyanın ən böyük sərnişin təyyarələri arasında yer alan “Airbus A380” saat 11:56-da İstanbul Hava Limanına təhlükəsiz şəkildə eniş edib. Təyyarənin səhhəti pisləşən sərnişinə görə İstanbul Hava Limanına endiyi məlum olub.

Səhhəti pisləşən sərnişin hava limanında əvvəlcədən hazır vəziyyətdə gözləyən tibbi yardım qrupları tərəfindən ambulift vasitəsilə təyyarədən endirilib. Sərnişinə ilk tibbi yardım təyyarənin dayanacağında göstərilib, daha sonra ambulansla xəstəxanaya çatdırılıb.

“Emirates” aviaşirkətinə məxsus təyyarənin zəruri prosedurlar tamamlandıqdan sonra Nyu-York reysinə davam etməsi planlaşdırılır.

Mənbə: Cumhuriyyet.com.tr